Karlott

Hún halar inn
eins og gráðug önd
í Reykjavíkur tjörn
fóðrið sitt.

Þeir sitja saman
við kjötkatlana
án samviskunnar
svíðandi eftirmála.

En börnin sín hún elur
á efnahyggjunnar keti
engin svangur né þyrstur
verður á gróða-meti.

Ætli manni og spússa
skilji klukknaverkið
opni augun og fússa
á svika-brögðin.

Gott er þó gefið
ef góðhugur í verki
að stundarinnar
verði vel notið.

Svo nú stend ég saddur
soðinn af kjötkatlakraumi
klæddur ég er dýrindis Lotti
í Kringlunnar ,,heita-spotti".



Eigið góðar stundir!

Frumburðurinn okkar Írisar hún Petra Rut heldur uppá þriggja ára afmælið sitt í dag!

Hún fæddist kl. 03.17 þá dásamlegu aðfaranótt laugardags þann 24. ágúst 2002 og heilsaði pabba sínum með söng, síðan þá hefur hún sungið hástöfum og glatt foreldra sína og nánustu með nærveru sinni og grallaraskap.

Til hamingju með daginn STÓRA stelpan mín

Ég elska þig

pabbi