Karlott

10 febrúar...

2009-02-10T09:27:00.004Z

8 mínusgráður.
Tunglið, eins og gómsætur parmesanostur, sígur niður fyrir sjóndeildarhringinn og varpar gylltum bjarmadregli yfir hafið, í átt að hjarta Hafnarfjarðar, miðbænum.

Samfélagið er smátt og smátt að vakna... og ég, ég er hálfsofandi enn.

Orð af blogginu hans tengdó... mikill sannleikur í þessu!

2009-01-27T22:03:00.003Z

"Ef við kunnum okkur ekki hóf, snýst velgengni og velsæld í vesæld og vansæmd."

Ólafur Thors forsætisráðherra

Svona leit spáin út sama dag og ég fæddist...

2009-01-21T21:35:00.002Z

Skondið að geta fundið þetta... já, hvar annarsstaðar en á Veraldarvefnum

Svala stemmning

2008-06-13T11:35:00.005Z

Loks lét ég verða af því að sópa svalirnar og fjarlægja sandkassa stelpnanna allavegana svona yfir sumartímann.
I nokkur ár höfum við haft sandkassa út á svölum og hefur hann veitt stelpunum mikla gleða. Þær dunduðu sér oft lengi við að búa til drullumall, sandkökur nú eða bara að sópa svalirnar sem stundum voru eins og eftir sandsprengingu. Svo eftir að lítill kjölturakki (eða kjöltutík...) kom á heimilið og fékk leyfi að gera þarfir sínar úti á svölunum og þá í sandinn sem lág á svalagólfinu, fannst pabbanum vera komin tími á að loka fyrir sandverksmiðjuna og hvíla hana aðeins.
Svo eftir að hafa gengið frá öllu sanddótinu og hent því sem henda mátti, sópað og gólfið spúlað, var ekki annað en að fjárfesta í snotru svalaborði og stólum úr IKEA til þess að fullkomna komandi svalalíf...

...og mikið er það notalegt!

Sitja í góðveðrinu sem leikið hefur við mann síðustu daga, sjá út á sjó, Reykjanesfjallgarðinn og Keilir blasa við og jú, manns eigin ,,á" þ.e. lífæð Reykjanesbúa sem og aðra: Reykjanesbrautin! Hún er hálfgerð ,,á" líðandi blikkdósa og vélaniða. Hinsvegar er hún ekki róandi, ekki enn...!

Svo á morgun verður heilmikil hátíð í Háholtinu, hún Íris mín er að útskrifast úr Háskóla Reykjavíkur sem dúx (allavegana í mínum augum) enda hefur hún staðið sig ótrúlega vel! Ekki fallið í neinu fagi, fengið afar fínar einkunnir og eignast frábæran námskvennavinahóp! Hún er til fyrirmyndar!
Svo verður veisla eftir útskriftina og hinir nánustu sækja okkur heim, það verður gleðistund!

Annars, vona ég að þið sem hafið ennþá haft von um að ég bloggi eitthvað og kíkið hér eftilvill öðruhverju inn, njótið hverrar stundar og vil ég þakka fyrir innlitin ykkar!

Takk takk

Strákurinn minn á stórafmæli í dag - 1 árs gamall

2008-06-03T21:02:00.003Z

Í dag á Erling Elí afmæli. Hann er orðinn stór... 1 árs gamall og hefur stækkað svakamikið.
Það var mikil gleðistund hjá okkur Írisi er Erling Elí fæddist 3 júní í fyrra. Við höfðum eignast tvær yndislegar prinsessur og þegar við fórum í sónar og fengum að vita að það væri sonur á leiðinni, er ekki laust við að litla pabbahjartað springi af stolti!
Sonur á leiðinni...

Núna er pjakkurinn orðinn eins árs gamall og hann hefur svo um munar glatt hjörtun okkar Írisar, með brosið sitt, grallaraskapinn og þennan óvænta sæta spékoppa...

Erling Elí er mikill gleðigjafi og sem stendur er hann afar duglegur að skríða á
Formúlu 1 hraða um alla íbúð... maður hefur varla undan að vera loka skápum eða færa til hluti... nú, eða vera að kalla: ó ó, má ekki, nei nei... Já, hann er algjört yndi!

Systurnar Petra Rut og Katrín Tara er afar duglegar að passa litla bróður sinn og er eitt það besta sem ég sé er þau eru að sprella saman, hlæjandi til skiptis eða í einu, full af gleði og hamingju.

Ég er allan hringinn (Petra Rutíkst orðalag) þakklátur fyrir fallega strákinn minn og bið ég Föður minn á himnum um að halda áfram að kenna mér, að vera topp pabbi!

Erling Elí monsi litli - til hamingju með daginn,

þinn pabbi Karlott

Þetta lag finnst mér afar ljúft!

2008-02-13T22:29:00.002Z

http://youtube.com/watch?v=y0y3nxbMiTk&feature=related

Sungið af Giuseppe di Stefano

Endir og upphaf

2008-01-03T20:11:00.000Z

Árið 2007 var okkur Írisi viðburðarríkt. Þann 3 júní eignuðumst við þriðja barnið okkar, fagran dreng, hann Erling Elí. Það er stórkostleg stund er nýr fjölskyldumeðlimur fæðist.
Það var einnig skemmtilegt að drengurinn okkar var fyrsti strákurinn af níu stúlkum í röð innan fjölskyldu Írisar. Fékk hann að bera nafn móðurföður síns Erling sem og hluta úr nafni langaafa síns úr föðurætt, honum Elímundi.
Ég er jú alltaf að læra þó ég sé ekki í skóla, nema skóla lífsins og er árið 2007 búið að vera lærdómsmikið ár hjá mér.
Það sem mér finnst vera það mikilvægasta úr ,,náminu" þetta árið er að ég hef öðlast skilning og þrá að rækta enn meira það sem mér er kærast og dýrmætast: fjölskyldu mína og mig sjálfan.
Ég vil biðja góðan Guð okkar að varðveita sérhvert ykkar sem þekkið mig og hafa einhvern tímann ,,slasast" inná síðu mína.

Þetta eru náðartímar, megum við njóta þeirra náðar og stundar sem fellur í faðm okkar.

Með nýárskveðju,

Karlott

Hátíð er í bæ!

2007-12-24T15:06:00.000Z

GLEÐILEG JÓL

Megi Drottinn blessa ykkur vinir og vandamenn!

Karlott

Eiturkæst tindabikkja... mmm

2007-12-23T22:31:00.000Z

Annað árið í röð fórum ég og hinn ágæti svili minn og vinur hann Bjössi í skötu á Múlakaffi.

Heillandi þetta með skötuna og þennan mjög svo lífgandi ilm... maður er endurnærður.
Í fyrra fékk ég mér soðna skötu og fannst mér það mjög gott... en ákvað að stíga upp á hærra plan í ár og skella mér á ,,eiturkæsta tindabikkju" eins og Múlakaffismenn orðuðu það... VÁ! Hún tók sko aldeilis í...! En góð var hún! Svo fengum við okkur hrísgrjónagraut með kanel í eftirrétt...

... þetta fannst mér mjög ánægjulegt!

Og samkvæmt staðli góðrar tengdafjölskyldu minnar ætla ég mér að staðfesta að skötuferðin sé orðin að hefð...

365 dagar í næstu... nammi namm

Hátíðarkveðja,
Karlott og Þorlákur Messi

Á öðrum stað

2007-11-19T21:58:00.000Z

Er kominn heim. Nudd og konfekt býður mín.
Fer úr vinnufötunum, kámug gleraugu. Kannski
gerist það. Verður sýnin skýrari?

Sé eins og í þoku. Blindur á kjarnann.
Tek niður gleraugun. Næ ekki fókus, lít
undan. Aðeins þetta sinn, bara...

Fer inn og út. Kominn.
Staddur í skýrri hugsun...

... á öðrum stað.

Karlott

Sprúngin rúða, 6 punda urriði og Guð

2007-10-23T23:00:00.000Z

...

austanvindurinn lét í sér ,,heyra"
í smáagnir bifreiðarrúðu spreingdi

hann slapp ekki, breiðubúinn
bjargaði löskuðu veiðimannsstolti

hvað skyldi Faðirinn seigja
yfir þjóðkirkjunnar samkynjakurli

...

pssst... smellið á tengilinn ,,FLUGUKASSINN" hér til vinstri... NÝ FÆRSLA!!!

Orð Jesú

2007-10-21T08:01:00.000Z

,,Ég er ljós heimsins. Sá sem fylgir mér, mun ekki ganga í myrkri, heldur hafa ljós lífsins".

Borið saman við svo margt annað sem skolast upp á strendur tilverunnar, er þetta það eina sem hjarta mitt og hugur mettast af.

Megi það einnig metta þig.

Karlott

Stóra stelpan mín, Petra Rut varð 5 ára þann 24 ágúst.

2007-08-25T00:13:00.000Z

Fallega, duglega og skemmtilega stóra stelpan mín hún Petra Rut varð 5 ára, 24 ágúst. Hún er fyrsta barn okkar Írisar og finnst pabba hennar hún vera algjörlega dásamleg!
Petra Rut er ákveðin, söngelsk og hugmyndarík. Henni finnst gaman að spila spil og ýmsa leiki, s.s. að tefla eða fara í lönguvitleysu. Að lita og teikna er eitthvað sem henni farnast vel í, enda skapar hún margar fallegar myndirnar.
Hún Petra Rutin mín er gjöf frá Guði og getur pabbi hennar ekki þakkað nóg þau forréttindi að fá að hafa fengið að taka á móti lítilli blárri og rauðri stúlkubarni, öskrandi svo hátt að pabbinn fékk kökk í hálsinn og hvítnaði af forviðan!

Petra Rut mín, ég elska þig allan hringinn og frá hvirfli til ilja.

Þinn pabbi að eilífu, Karlott

Hálfan daginn... næstu 10 mánuðina!

2007-08-14T22:57:00.000Z

Frá og með morgundeginum er ég heima fyrrihluta dags og mæti í vinnu eftir hádegi. Það verður gaman. Nýjasta fjölskyldumeðliminum, syni mínum honum Erling Elí er þetta langa frí að þakka. Hann ákvað að leyfa okkur mömmu sinni og systrum að sjá sig þann 3 júní og því orðinn rúm 2 mánaða gamall. Heillar pabba sinn alveg upp úr hárinu...
Það er alveg magnað hvað mikið okkur íslendingum hefur áskotnast með að veita feðrum meiri rétt til fæðingarorlofs. Þetta fyrirkomulag hefði átt að vera löngu orðin eins og það er í dag.

Mikið hefur tíminn liðið fljótt, brátt fer sumarið að ljúka og haustið að hefja innreið sína. Haustið... það er minn tími! Frá því ég bjó í þéttum, sænskum skógi á unglingsárunum og upplifði nálægðina við sænskrar náttúru hefur haustið sérstakan sess í sál minni... mmmm bíð spenntur.

Annars, dáist ég að konunni minni. Hún er búin að vera að skipta um sjávarfiskana okkar og erum við komin núna með ferskvatnsfiska. Hún fór og verslaði tvo 40 kílóa malarpoka fyrir botninn í búrinu og viti menn... bar þá alveg sjálf úr bílnum upp á 2. hæð! Núna veit ég að ég er alveg öruggur... ef ég fell í yfirlið, nú eða dett og get ekki gengið, þá á ég eina sem fer létt með að bera mig heim : )

Þið sem lásuð þetta, nær og fjær:

njótið hverrar stundar

Karlott

Ef væri ég söngvari.....

2007-05-31T22:56:00.000Z

... syngi ég nótt sem dag!

Endilega kíkið á þetta:

http://youtube.com/watch?v=LaLY_RsbV2o

Karlott

Bíðandi...

2007-05-29T20:53:00.000Z

Í þessum skrifuðum orðum bíðum við Íris eftir okkar þriðja barni. Sagt er að lítill snáði mun líta dagsins ljós svona þegar hann ákveður að koma... eitthvað er hann nú samt ánægður með ,,húsakynnin" sem stendur.
Íris myndi helst vilja að fæðingin væri yfirstaðin og við værum heimkomin með pilt í fanginu - ég er algjörlega sammála henni.

Það verður svolítið öðruvísi að fá dreng. Þegar ég er búin að vera að reyna mitt besta að ala tvær gjörólíkar telpur í að vera fyrirmyndar dætur, setur það mann svolítið í annan gír vitandi að núna er að ekki þriðja telpan á leiðinni heldur strákur... Ég sem var orðinn vel vanur að vera eini karlmaðurinn í kotinu.
Mig hlakkar þó ótrúlega mikið til!

Við Íris erum búin að finna nafn á guttann og verður það opinberað fyrst fyrir hann sjálfan eftir fæðinguna sem og alheimi - mig grunar að allmargir bíða spenntir eftir að heyra hvaða nafn við höfum ákveðið því við höfum aldeilis fengið að heyra af nánustu hvað hann ætti að heita, margir hafa greinilega skoðun á því en þessu er haldið algjörlega leyndu við ströngustu skilyrði - meir að segja leyniþjónusta Kazakstan kæmist aldrei að því...

Ef það er eitthvað dýrmætt í heimi þessum, er það samveran við fjölskylduna og njóta góðra ávaxta sinna - sumt þarf nefnilega aldeilis að rækta og vinna í!

Ég er þakklátur að Guð hefur gefið mér skilningin að fylgja því eftir...

Á léttu nótunum...

2007-03-19T20:25:00.000Z

Ætlaði kannski að fara að ,,kommenta" hve arfalélegur bloggari ég er... en ég hætti bara við! Er bara ég sjálfur... kemur fíkn í að blogga eða blogga ekkert, ekkert við!

Þið sem ,,hrasið" inn á þetta, hafið þetta mjög mikilvæga atriði í huga:

njótið dagana!

Með kveðju úr bloggleysinu, Karlott

Einmana heima!

2006-11-12T17:55:00.000Z

Já, sit hér í háa holtinu, einn eða kannski ekki alveg... stúlkurnar eru fyrir austan í Húsinu við ána en ég hef nokkra hitabeltisfiska og krabba mér til félagsskapar!

Það er búið að skola burt snjónum sem rétt þakti baktúnið okkar hérna og götur í gær. Hún var ausandi rigningin í dag!

Í gærdag þegar Petra Rut sat ofan á bakinu á stofustólnum við gaflgluggann og horfði út, talaði hún út í loftið við pabba sinn og sagði hve mikið hana langaði að fara núna út á snjóþotu, það yrði sko gaman. Því miður þurfti pabbi hennar að hryggja hana smá því ég er búinn að vera með slæma hálsbólgu síðan á fimmtudaginn og vissi ef ég færi út yrði ég lengi að jafna mig... Þegar ég sagði henni að ég gæti það ekki því ég væri lasinn, sagði hún bara: mamma getur það!
Já, þegar mamma kom úr lærdómsferð niðri í háskóla, viðraði ég þessa hugmynd við hana og tók hún vel í.
Þá byrjaði gamanið.
Íris hjálpaði snúllunum að klæðast í hlý föt og góða kuldagalla... sjá hvað þær voru stoltar að fara í gallana! Petra Rut var nefnilega nýbúin að fá nýjan kuldagalla og var ekkert að fela það hvað henni fannst hann flottur. Hún Katrín Tara er búin að stækka svo mikið að gamli gallinn hennar passaði ekki lengur og fékk hún gamla gallann hennar Petru Rutar... en hann var sem nýr fyrir henni og var hún einnig ekkert að fela ánægjuna!
Svo var farið út að renna!

Já, hugsið ykkur heiminn án þessara kríla?

Nú ætla ég að setja eitthvað Karlottískt undir geislann og ditta aðeins að heimilinu, svona áður en kvennaljóminn minn
gengur um dyrnar inn!

Njótið stundarinnar vel lesendur góðir!!!

Að fá að fylgja þér!

2006-10-13T23:11:00.000Z

Dag eftir dag
vakna

Tileinka

daginn þér

Augu þín hafa litið mig
frá þeim degi er ég varð til.

Augu þín hafa fylgst með mér
hvern einasta dag lífs míns.

Takk

Takk

...fyrir að varðveita mig!

Hvern dag minnir þú á þig
Hvern dag fæ ég að velja

Veistu,

í dag, vil ég velja

Í dag

...vel ég þig!

Hún er fundin!!!

2006-10-08T22:20:00.000Z

Í yndislegu brúðkaupi þeirra Eyglóar og Bjössa í gær fengum við Íris þann heiður að syngja saman eitt af fallegri lögum sem til eru: brúðkaupslag Hjalta Gunnlaugssonar!

Þið sem vitið það ekki, þá hefur mig lengi langað til að syngja opinberlega með minni heitelskuðu enda er hún dásamleg söngkona og persóna!

Því miður hefur það ekki orðið fyrr... en í gær!

Talandi um að finna gleði í síðasta bloggi: er ég stóð við hlið hennar, horfði í þessi yndislegu grænu augu, syngjandi tilfinningaþrungið ástarlag saman og upplifa hve stálheppinn drengur ég væri....

....fylltist hjarta mitt ólýsanlegri gleði!!!

Að finna gleðina!

2006-03-12T00:17:00.000Z

Kyrrð

Hjartað tvístrað, snúið...

Lítið skilur á milli sóls og myrkurs
svo agnarlítill vegur...frá depurð til gleði

Hlátur

Hvenær er hláturinn sannur?

Þeir eru stórri gjöf gæddir, ef
hlátur þeirra er sannur...

Stutt á milli

Er hægt að ýta frá depurðinni og taka
inn gleðina?
Er leiðin svo einföld?

Hvað sem gerist þó, er
samt mikilvægast... að með öllum mögulegum leiðum...

... að finna gleðina!

Leikur einn á ferð og flugi...

2006-02-22T23:19:00.000Z

Ég hef…

(X) reykt sígarettu (já... uss alltof margar, en sem betur fer reyklaus í 5 ár)
( ) klesst á bíl vinar/vinkonu
( ) stolið bíl (foreldranna)
(X) verið ástfangin/n
(X) verið sagt upp af kærasta/kærustu
( ) verið rekin/n
(X) lent í slagsmálum
(X) læðst út meðan þú bjóst ennþá heima hjá foreldrunum
(X) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(X) logið að vini/vinkonu
(X) skrópað í skólanum
( ) horft á einhvern deyja
( ) farið til Canada
( ) farið til Mexico
(X) ferðast í flugvél
(X) kveikt í þér viljandi
(X) borðað sushi
( ) farið á sjóskíði
(X) farið á skíði
( ) hitt einhvern sem þú kynntist á internetinu
(X) farið á tónleika
(X) tekið verkjalyf
(X) elskar einhvern eða saknar einhvers akkurat núna
(X) legið á bakinu úti og horft á skýin
(X) búið til snjóengil
(X) haldið kaffiboð
(X) flogið flugdreka
(X) byggt sandkastala
(X) hoppað í pollum
(X) hoppað í laufblaðahrúgu
(X) rennt þér á sleða
(X) svindlað í leik
(X) verið einmana
(X) sofnað í vinnunni/skólanum
( ) notað falsað skilríki
(X) horft á sólarlagið
(X) fundið jarðskjálfta
(X) sofið undir berum himni (það var alveg magnað!)
(X) verið kitluð/kitlaður (gallinn er sá mér kitlar ekki mikið...hm..)
( ) verið rænd/rændur
(X) verið misskilin/n
(X) klappað hreindýri/geit/kengúru (geit)
(X) farið yfir á rauðu ljósi
( ) verið rekin/n eða vísað úr skóla
( ) verið með spangir/góm
(X) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi
(X) fengið deja vu-
(X) dansað í tunglskininu
(X) fundist þú líta vel út
(X) verið vitni að glæp
(X) efast um að hjartað segði þér rétt til
( ) verið gagntekin/n af post-it miðum
(X) leikið þér berfætt/ur í drullunni
(X) verið týnd/ur
(X) synt í sjónum
(X) fundist þú vera að deyja
(X) grátið þig í svefn (kannski sem krakki…)
(X) farið í löggu og bófa leik
(X) litað nýlega með vaxlitum
(X) sungið í karaókí
( ) borgað fyrir máltíð eingöngu með smápeningum (við erum að tala um krónur, fimmkalla og tíkalla hérna)
(X) gert eitthvað sem þú lofaðir sjálfri/sjálfum þér að gera ekki
( ) hringt símahrekk
(X) hlegið þannig að gosið frussaðist út um nefið á þér
(X) stungið út tungunni til að ná snjókorni
(X) dansað í rigningunni
( ) skrifað bréf til jólasveinsins
( ) verið kysst/ur undir mistilteini
(X) horft á sólarupprásina með einhverjum sem þér þykir vænt um
(X) blásið sápukúlur
(X) kveikt bál á ströndinni
(X) komið óboðin/n í partý
( ) verið beðin/n um að yfirgefa partýið sem þú komst óboðin/n í
(X) farið á rúlluskauta/línuskauta
(X) hefur einhver óska þinna ræst
( ) farið í fallhlífastökk
( ) hefur einhver haldið óvænt boð fyrir þig

Jamm, þannig er nú það góðir hálsar…

Ég er... Lara Croft!

2006-02-07T09:41:00.000Z

,,A thrill-seeking, slightly unscrupulous, tough-as-nails archaeologist, Lara Croft travels the world in search of ancient relics perhaps better left hidden. She packs two Colt .45s and has no fear of jumping off buildings, exploring creepy tombs, or taking on evil meglomaniacs bent on world domination".

Tók eitthvert hetjuprófið og þetta var útkoman....

Tekið á þeim stóra....

2006-01-31T12:16:00.000Z

...skyld´ann hafa það?

Sofið út...

2006-01-30T09:21:00.000Z

Verð að segja frá því... en síðustu mánuði síðan yngri dóttur mín fæddist hefur litli orkuboltinn vakið foreldrar sína mjög árla morguns! Svona ekki mikið seinna en hálf sex á morgnana...! Þó stundum gerði enn betur og vaknaði á milli 4 og hálf 5....
Þetta er ögn of snemmt samkvæmt minni klukku og hafa pabbinn og mamman stundum verið pínu pirruð á þessu....hmm
Allavegana. Í morgun fer fallega konan mín í leikfimina rétt fyrir 6 og í stað þess að snúllan vaknaði og drifi pabban einnig framúr, haldið þið ekki að hún svaf sínu sætasta til korter í 7!!
Þetta er kannski svona óskiljanlegt ,,blogg" fyrir þá sem lesa það en... þið mynduð skilja mig ef þið mynduð hafa vaknað við barnagrátur á hverjum degi fyrir klukkan 5 í næst sem heilt ár....

Svo pabbinn fékk að ,,sofa út" á virkum degi og pabbi segir bara: Takk litla dúllan mín!

Að öðru, þá langaði mér til að segja frá lítilli sögu.

Einu sinni var, í mosagrænu hrauni,
lítill drengur, með rauða húfu á höfði.
Hann sat og tálgaði sverð úr spýtu,
á himnum flugu vorfuglarnir yfir.

Niður í fjöru, ljósblá viðarskekta lá,
blaut eftir morgunsins útróður.
Bátsmaður lág hrjótandi í læk,
lítill drengur með viðarsverð hló.

Hláturstár runnu niður rjóðar kinnar,
við kot var aflinn verkaður og unninn.
Augu pírð og skimað var eftir rauðri húfu,
komið var að hádegismat: hvar er hann?

Mamma, mamma! Skræk rödd hljómaði á hlaupum,
prjónuð rauð húfa sást við hól.
,,Hann, bátsmaðurinn var sofandi, svo
rúllaði hann af grasinu og beint ofaní..."

,,Ofaní"? Hváði mamman. ,,Já, í lækinn"!
Og og og... hann vaknaði ekki einu sinni!
Hláturinn brast aftur fram, augun vöknuðu,
drengnum var skemmt og mamma, já mamma hló með!

Njótið dagsins og Guð veri með og í ykkur!

Holtasóley var það heillin!

2006-01-25T12:42:00.000Z

Þá er alþingi búið að ákveða það, þjóðarblóm íslendinga er hin hvít gul fagra Holtasóley.

Ekki amalegt það, enda fagurt blóm!

Þegar ég sé það svona í mynd, get ég ekki sagt annað, mér hlakkar til sumarsins!

Þögnin rofin....

2006-01-20T12:05:00.000Z

Réttindamál samkynhneigðra er búið að vera á síðum blaða síðustu dag og vikur.
Barist er fyrir hjónavígslu og lagalegum rétti til hjónabands. Þessi minnihlutahópur vill ,,knésetja" kirkjuna, fá hana til að breyta sínum vegi, í þágu þeirra.

Nú er eldheit frétt fallin á síður mbl.is á netinu: um tuttugu söfnuðir og 19 einstaklingar sendu frá sér yfirlýsingu um að þeir hafni alfarið þessu baráttumáli samkynhneigðra að fá rétt til kirkjulegrar hjónavígslu og þar með gera samband tveggja karla sem og kvenna að jöfnu við samband karls og konu.

Þetta eru tíðindi!

Nú mun vafalaust verða heitt í hamsi á þessum vettvangi næstu dag, vikur og mánuði og
spennandi verður að sjá hvernig kirkjunnar karlar og konur svara fyrir hönd trúarsannfæringar sinnar og stöðu, hvort umræðan snúist um útúrsnúninga og einhverskonar eigintrúarsannfæringar eða hvort gengið verður útfrá Heilagri ritningu og hvað hún hefur að segja....

Persónulega er ég ánægður með að þessir söfnuðir hafa tekið sinn pól í hæðina, því það hefðu þeir hvort eð er þurft að gera fyrr en síðar og þetta baráttu mál samborgara okkar mun krefjast þess, að kirkjur og söfnuðir, sem og almennt kristið fólk, taki stöðu gagnvart þessum gildum og sinni trúarstöðu í Jesú Kristi.

Jesús sagði: ...ykkar já sé já og ykkar nei sé nei! Engin vafi þar á!

Megum við öll taka á móti náð Jesú Krist og iðrast synda okkar. Öll erum við fædd undir syndinni og öll skortir okkur Guðs dýrð.

En, Jesús kom til þess, að okkur þurfti ekki að skorta neins framar, heldur hafa líf, líf í fullri gnægð!

Svo er bara að sjá hvað setur.... en þangað til, farið vel með ykkur og breytið rétt, gangið á vegi Drottins.

Að fá að fylgja þér!

2006-01-18T10:13:00.000Z

Nýir tenglar!!

2006-01-17T10:23:00.000Z

Er búinn að setja inn 2 nýja tengla.

Hafið það gott,

Karlott

Gengið á veginum....

2006-01-12T09:12:00.000Z

Eins og sumir vita þá hefur námið hjá Írisinni minni byrjað og þá tekur við það sem hún er svo flink í, að púsla... Það er ótrúlegt hvað mikið er hægt að koma til leiðar bara með því að skipuleggja það sem maður er að gera, það fer ekki á milli mála hérna á þessum bæ...

Systurnar eiga að fara snemma í leikskólann og til dagmömmu, Íris þarf svo að komast í skólann sinn. Ég er farinn úr húsi rétt eftir sjö og dotta í strætó í 3 korter í gegnum höfuðborgarsvæðið, það er oftast voða notalegt!

Svo ákvað Drottningin á heimilinu að þetta gengi ekki lengur og skráði sig í Hress, átak til að styrkja sig og leyfa kroppnum að missa nokkur óþarfa kíló. Þetta er þrisvar í viku, byrjar kl. 06:00 s.s. á morgana og rétt eftir að hún kemur heim, fer ég að dotta í strætó...

En, þetta er ekki búið!

Mig hefur alltaf langað til að prufa að fara í einkasöng. Svo ég skráði mig í 7 vikna námskeið í söngskóla Reykjavíkur. Hef hugsað alltof oft að prufa en ekki gert það, svo í staðinn fyrir að mörgum árum seinna sjá eftir því að ekki hafa prufað, ákvað ég að slá til.
Fór svo í fyrsta tímann á þriðjudaginn og hafði virkilega gaman af! Alveg ótrúlegt hvað hljómurinn breytist í röddinni með aðeins smávægilegum leiðbeiningum...

Púsl! Já, þetta er orðið svolítið púsl...
En, gengur upp!

Svo þarf maður auðvitað að forgangsraða!!!

Þetta voru nýjustu fréttir af FSK fréttamiðlinum að sinni.

....en svo ein lítil loka frétt: þá er sagt að á laugardaginn verði voða stjörnubjart og er von um að ein lítil stjarna muni falla til jarðar rétt hjá okkur í holtinu! Það verður spennandi að sjá það!

Villuráfið ekki á einhverjum vegi, gangið á Drottins vegi.

Karlott

Þorláksmessa, skata og skúbidú...

2005-12-23T10:03:00.000Z

Þá er Þorláksmessudagur genginn í garð.

Skatan skal etast í dag! Sumir vilj´ana milda en aðrir eins kæsta og hægt er... það síðari er aðeins fyrir hina hörðustu!
Ég er ekki mikil skötumaður, þó það hafi tíðkast að matreiða hana á mínu barndómsheimili. Þar átti líka skatan að vera mjög kæst, en þannig vill hún móðir mín hafa það. Við fegðarnir þrír gátum ekki stært okkur af jafn miklu hugrekki og hún, en þó reyndum við að taka þátt í leik hinna hugrökku og stundum, já stundum fannst mér skata bara vera allt í lagi....
Í dag munu eflaust margir íslendingar gera sér leið í verslanirnar á síðasta séns að ná sér í síðustu jólagjöfina áður en aðfangadagur kemur. Vonandi verður fundið það sem ástvinunum langar í svo hægt verði að gleðja hjörtun!

Ég hef Guði að þakka fyrir svo margt! Þá sérstaklega að hafa fengið kjark til að bjóða núverandi eiginkonu minni á kaffihús fyrir nokkrum árum, en það tók mig meira en hálftíma að ýta á ,,call" á símanum eftir að hafa slegið númerið hennar inn á skjáinn.... svo var beðið sveittur eftir hvort hún svaraði og þá hvort það yrði já! Eða nei (sem yrði öllu verra) við spurningunni um kaffihúsið... : )
Hjartað hikstaði aftur í sinn eðlilega slátt eftir að úr símanum barst undurfagurt orð: Já!

Já! Þetta er jákvætt orð!

Ætla ég að eiga skemmtileg jól? Já!
Ætla ég að njóta nærveru fjölskyldu minnar? Já!
Ætla ég að gleðjast og gleðja aðra? Já!
Ætla ég að minnast þeirra sem eiga erfitt? Já!
Ætla ég að biðja fyrir þeim og leggja mitt að mörkunum fyrir þá? Já!
Ætla ég að reyna að vera betri í dag en í gær? Já!

Eitt er víst, það er JÁ-kvæðara að velja JÁ en nei og það ætla ég að gera!

Njótið þið sem ætlið að leggja ykkur skötu til munns í dag sem og hinir sem gera það ekki!
Farið varlega í jólainnkaupunum, betra er minna stress og stærra bros en minna bros og meira stress...

Hátíð er hafin í bæ, Drottni Jesú sé lof um allar aldir, amen!

Skokk, Hvaleyrarlón og Garðar Cortes...

2005-12-21T09:38:00.000Z

Ég fór út að labba í gærkvöldi. Konan var algjörlega ,,lost" við að horfa á einhverja fangakarlaþáttaröð að nafni ,,prison break"! Þetta er víst gríðarlega spennandi þáttaröð og hafði hún náð allri athygli konunnar minnar, svo niðurlútur : ) sagði ég við sjálfan mig: út vil ek....! Ákvað að taka ,,í poðinn" með og leyfa Garðari Cortes að syngja fyrir mig á leiðinni gönguferðarsöngva. Ég segi bara: þessi viðkunnalegi söngvari er afar góður, röddin hans er fjölbreytt og hljómfögur! Ég mæli eindregið með piltnum! Áhugavert verður að fylgjast með honum.

Svo af stað gekk ég. Ferðin var heitið niður úr Háholtinu að Hvaleyrarlóni og að nýja göngustígnum sem nýlega hefur verið gerður norðanmegin við lónið. Hann liggur þar sjómegin framhjá Atlantsolíu og alla leið út að svæðinu þar sem risa flotkvíin liggur út við fjörðinn (noh, það vantar ekki lýsinguna...). Þegar ég var búinn að ganga niður holtið, að þessum afspyrnu sjarmerandi báta- og vinnuskúrum við lónið, lá leiðin yfir torfætt svæði að stígnum.
Ég segi bara: þessi stígur er mjög vel heppnaður! Alveg frábært að þessi hugmynd hafi skollið upp í kollinum á einhverjum grallaranum... Svo endar stígurinn á útsýnisstað! Mér finnst að svona eiga hlutirnir að vera: hugmyndaríkir, hvetjandi og skemmtilegir! Þetta fær fullt hús stjarna, jarðaberja, broskalla og allt það hjá mér : )

Eftir að ég hafði gengið á stígnum svolitla stund (eða hjá honum, hann var nú bara eitt svell...) ákvað ég að létta sporið aðeins og sjá hvort kallinn gæti nú ekki skokkað smá... Mér til ánægju þá var nú bara heilmikið í mig spunnið og skokkaði ég yfir hálfan kílómeter að útsýnissvæðinu án þess að finna mikið fyrir... Þetta var rosalega hressandi!
Fór upp á klappirnar sem eru þarna eru við útsýnispallinn, hvíldi Cortes aðeins og naut stundarinnar. Svona stund finnst mér eitt af því besta ég upplifi: horfa á hafið, heyra í briminu, stjörnurnar birtast á milli skýja og allt í einu... eins og ljóskastara með lifandi, dansandi ljósi væri lýst yfir himinhvolfið - norðurljós! Mmmm... að hugsa sér, eins magnað þetta allt var og vitandi núna sérstaklega á þessum ,,verslunareyðslutímum" að þetta ,,sjó" kostaði ,,ekkert"! Fyrir utan auðvitað svitan og tímann... en, er það nokkuð til væla yfir?

Nú ætlaði ég að halda heim á leið og víst ég var svo duglegur að skokka þennan spotta og komst lífs af, þá ætlaði ég að koma mér á óvart og skokka sömu leið tilbaka og enn lengra! Alla leið að bátaskýlunum inn í lóninu! En það var um 1,3 km kafli... og viti menn, það gekk upp! : )
Rosalega var þetta gott! Að hafa loksins látið verða af því að hreyfa sig eitthvað að ráði. Maður situr liðlangan daginn í vinnunni og er alltaf á leiðinni að fara hreyfa sig svo þetta var kærkomin....
Bara að finna að líkaminn hafi tekið á og erfiðað og svo að hafa komið sér á óvart með hvað maður gæti, var góð tilfinning!
Þegar ég kom heim var skvísan mín ennþá í fanginu á föngunum, það púlseraði á mér andlitið af hita og ég hélt það ætlaði að hreinlega springa... áttaði svo á að það var bara mér sjálfum að kenna! Var vel klæddur og orðinn sjóðheitur eftir hlaupin.... : )
En, svona í raun, var ég sáttur við mína og engin afbrýðissemi í gangi á þessum bæ!

Að launum eftir Cortesskokkið, var splæst á sig glasi af gosi og smá suðusúkkulaði...

Svona getur lífið litið út hjá mér....

Hvor myndin er ekta?

2005-12-14T14:05:00.000Z

Til hamingju!

2005-12-13T08:38:00.000Z

Vil ég óska konunni minni og tengdapabba með að vera komin í jólafrí.

Einnig vil ég óska henni Erlu tengdamömmu til hamingju með að karlinn hennar er kominn í jólafrí og hamingjuóskir skelli ég einnig á sjálfan mig að kerlingin mín er komin aftur í kotið sitt.

Það hefur verið langþráð ósk af hálfu maka þeirra og einnig þeirra sjálfra að komast í prófin og klára þau svo hægt sé að byrja njóta návistar hvors annars og stemmningarinnar fram að og yfir jólin.

Þið hafið staðið ykkur svakalega vel og fáið STÓRT hrós frá mér!

Karlott

Nemandinn...

2005-12-12T12:17:00.000Z

,,Hann veit mikið um lítið, heldur áfram að fræðast meira og meira um minna og minna, uns hann veit raunverulega allt um ekki neitt."

(úr Kjarnyrðum)

Stærstu gjafir lífs míns!

2005-12-05T10:10:00.000Z

Eru dætur mínar tvær!

Oft þarf ég að hrista hausinn aðeins, klípa mig, teygja andlitið svo augun opnast betur og segja við sjálfan mig: Karlott, hugsaðu þér, þú ert faðir! Pabbi tveggja yndislegra stelpna, ábyrgðarmaður tveggja fjörugra skvísna, fyrirmynd framtíðar kvenna! Og þá kemur sjokkið!
Að ég skuli fengið þetta hlutverk... að fá að vera pabbi, (það er því miður ekki allra)og að mér skuli vera treyst af Skaparanum í þetta stórfenglega verk... og gangan er bara rétt að byrja! Það, er mér næst sem óskiljanlegt : )

Einu sinni sagði ég að ég vildi ekki eignast börn... en, í dag fengi ekkert mig til að vilja spóla til baka!

Núna eru jólin að nálgast og tími gjafa og gleði brátt að ganga i garð, ég hef þegar fengið bestu gjafir sem hægt var að gefa mér:
dætur mínar tvær og eiginkonu sem færði mér þær!

Megið þið sem lesið þetta, njóta saman nærveru og gleði hvers annars yfir hátíðirnar!

Karlott

Smá tungubrjótur...

2005-11-23T15:20:00.000Z

Segið þetta hratt:

Æðarfiðrið er frá Nirði niðri í Borgarfirði nyrðri.

...bændurnir eru hvassir!

Nautn....

2005-11-23T13:08:00.000Z

Skrúfað frá krananum, hitinn blandaður:
kalt vatn í réttu magni við heitt vatn.
Bunan dunar, dropar þeytast, baðkar fyllist!

Skrúfað fyrir kranann, stigið ofnaí... mmm!
39 gráður heitt vatn umlykur líkamann.
Heitar gufur stíga upp í loft, ljós er slökkt!

Jólalegt kerti í grænum lit logar ákaft en blítt!
Hugur leitar að frið, kroppur að hvíld, ró!

Kyrrð!

Fætur blautir, tylla sér á baðkarskant.... þreytan sleppur!
Hnakki sígur undir vatnsyfirborð, nær hárinu og nuddar...
Augnlokin falla.... hjartað róast.

Úti, blæs kaldur vindur. Snjór og frost haldast hönd í hönd.
Steyptur veggur skilur að... mýkt eða harðneskja!

Fyrir innan, langþráð nautn...

... langþráð nautn!

Fyrir tilvonandi lögfræðinga og áhugafólk um lögfræði...

2005-11-18T12:05:00.000Z

Case of the Pregnant Lady

An 8-month pregnant lady got on a bus. She noticed the man opposite her was smiling at her, so she immediately moved to another seat.

This time the smile turned into a grin, so she moved again. The man seemed more amused.

On the fourth move, the man burst out laughing. She complained to the driver, and he had the man arrested.

The case came up in court. The judge asked the 20-year old man what he had to say for himself.

The man replied, "Well your Honor, it was like this: When the lady got on the bus, I couldn't help but notice her condition. She sat down under a sign that said, 'The Double Mint Twins are Coming,' and I smiled. Then she moved and sat under a sign that said, 'Logan's Liniment will reduce the swelling,' and I had to grin. Then she placed herself under a deodorant sign that said, 'William's Big Stick Did the Trick,' and I could hardly contain myself. BUT, your Honor, when she moved the fourth time and sat under a sign that said, 'Goodyear Rubber could have prevented this
Accident'... I just lost it."

The judge’s ruling? "CASE DISMISSED!"

Kitl.... strjúk! Eða var það klapp...?

2005-11-14T08:35:00.000Z

Enn eitt æðið tekur við af öðru (hefur fólk ekkert annað að gera í lífinu en að blogga og búa til einhver æði!!!?

Jæja... hvenær sagði einhver ég ekki vera ÆÐISLEGUR? Ætli maður verður ekki að gefa umheiminum eitthvað?

Hérna kemur það:

1. Hvað er klukkan? 08:38

2. Hvaða nafn er á fæðingarvottorðinu þínu? Guðbjartur Karlott Ólafsson

3. Hvað ertu kölluð/kallaður? Karlott, sá eini á Íslandi og heiti í höfuðið á ömmu Karlottu heitinni.

4. Hvað voru mörg kerti á síðustu afmæliskökunni þinni? Átsj! :O man það ekki!

5. Hár? Stutt, skollitað en fyrir löngu byrjað að grána. Þið vitið, viskuliturinn!

6. Göt? Var með eitt í hægra eyra en þegar ég flutti til Svíþjóðar þá var mér tjáð að aðeins samkynhneigðir karlmenn væru með gatið hægra megin... svo það fékk að róa!

7. Fæðingarstaður? Í gamla sjúkrahúsinu á yndislega staðnum Ísafirði

8. Hvar býrðu? Hafnarfirði

9. Uppáhaldsmatur? Borða flest, samt ekki mikið fyrir ,,fleeesk"! Tilbúinn að prufa allt! Annars finnst mér íslenskt lambakjöt og íslenskur fiskur vera mjög gott. Er einnig æstur í kalda grauta, svona: sveskju-, jarðaberja- og alla þvílíka grauta með miklum rjóma.... NAMMI NAMM!

10. Einhvern tímann elskað einhvern svo mikið að það fékk þig til að gráta? Já, það verður víst að segjast. Fortíðin er ýmsu stráð, þyrnum sem rósum!

11. Gulrót eða beikonbitar? Vad menar du! Auðvitað bæði, en gulræturnar eru betri!

12. Uppáhalds vikudagur? Æi, þeir eru allir jafn klikkaðir, magnaðir, góðir, notalegir, óþægilegir og já, fínir! Þakklátur Guði fyrir hvern dag sem ég lifi!

13. Uppáhalds veitingastaður? allir kósý og matargóðir staðir með góðri þjónustu...

14. Uppáhalds blóm? Mjög mörg! Rósin alltaf sígild, þó svo venjuleg íslensk vor- og sumarblóm eru afar falleg og prýða tilveruna vel!

15. Hvaða íþrótt finnst þér skemmtilegast að horfa á? Þó ég sé á móti siðferðinu í íþróttinni þá finnst mér spennandi að horfa á hnefaleika! Einnig blak og fimleika!

16. Uppáhalds drykkur? Vatn, kaffi, gott vín, bjór og berjasafar af skandinavískum uppruna...mmmmmmm! Jæææks! Ég sagði vín og bjór....

17. Disney eða Warner brothers? Bæði skemmtilegt á köflum.

18. Uppáhalds skyndibitastaðurinn? Pylsuvagninn og því um líkt!

19. Hvernig er teppið í svefnherberginu á litinn? Ekkert teppi en væri alveg til í að hafa eitthvað hlýtt og mjúkt að stíga ofan á þegar maður færi framúr á morganna...

20. Hver var síðastur til að senda þér tölvupóst? Man það ekki.

21. Í hvaða búð mundir þú vilja botna heimildina á kreditkortinu? Einhverri veiðibúð...hmmm

22. Hvað gerir þú oftast þegar þér leiðist? Bora í nefið! (djók) Ýmislegt, t.d. skamma Írisi fyrir að vera í tölvunni svo að ég komist ekki í hana, fer út að veiða, hangi með kúlusúkk í einni og pepsimax í hinni og glápi svo á Americas next top model..... (maður verður að vera í tengslum við sína mýkri hlið eða hvað)?

23. Hvaða spurning sem þú færð fer mest í taugarnar á þér? Sú spurning sem gerir mig pirraðann eins og: Karlott, þessi leið er ekkert styttri en þessi leið..(Íris að leiðbeina manninum sínum... hmm)

24. Hvenær ferðu að sofa? Þegar Íris skipar mér til... Nei, nú verð ég að hætta! Ef ég væri óskynsamur yrði það eftir miðnætti en vanalega um 11.

25. Hver verður fyrstur til að svara þér þessu? Ég Karlott!

26. Hver af þeim sem þú biður um að svara þessu er líklegastur til að svara ekki?
Got no idea!

27. Uppáhalds sjónvarpsþáttur? (þið sáuð þetta ekki...) Americas next top model, the contender (þegar var og hét), ýmsir þættir á Ómega ásamt ýmsum heimilda, fornleifa og vísindaþættir...

28. Með hverjum fórstu síðast út að borða? Með stórjöxlum tengdum Brekku- og Skaftaættinni og fleirum mikilmennum!

29. Ford eða Chevy? Meinaru Harrison Ford eða Chevy Chase, sem sagt leikararnir? Nei, er ekki mikið fyrir bílana, allavegana ekki eins mikið og hann fíni karl Kiddi!

30. Hvað varstu lengi að klára að svara þessu? Heilar 20 mínútur

Þá er það komið á borðið og nú skyldi engum detta í hug annað en ég sé ennþá ágætis gaur, allavegana er maður í speglinum á hverjum morgni sem segir mér það! : )

Eigið góóóóðan dag!

Þessar hvítu rákir, hvað haldið þær séu?

2005-11-10T12:29:00.000Z

Ef maður hugsar út í þetta, þá er þetta all svakalegt!

Hvað skoðun hafið þið....

2005-11-03T13:49:00.000Z

...ætti ég að kaupa mér bát?

Minnkandi harðjaxl...?

2005-11-02T12:04:00.000Z

Fór til tannlæknis í gær. Tannlæknirinn minn er ekki karl heldur er hann kona. Afar viðkunnanleg og góð kona. Það spillir svo ekki fyrir að tanntæknirinn hennar er náskyld frænka mín, sem einnig er afar viðkunnanleg og góð.
Svo þetta var nú svo sem allt afar viðkunnanlegt og gott eeeen......

Þarna lág ég með ,,jaxlinn" í höndum þessara viðkunnuglegra kvenna og allt valdssvið mitt njörvað niður á tannlæknabekkinn, munnurinn galopinn og fjögur augu gapandi ofaní.... Draga skal úr JAXL!

Fyrir aftan mig stóðu þær: tanntæknirinn hélt uppi tveimur harðneskjulegum krómuðum töngum fyrir framan tannlækninn og spurði: ,,hvora eigum við að velja"?
Hugsandi lág ég og hallaði höfðinu aftur til að ,,kíkja" á tangirnar.... Sagði svo: ,,veljið bara þá bleiku"!
Upp skall hlátur hjá þeim viðkunnanlegu og góðu, sjálfur hugsaði ég: hvað ef önnur hafði verið bleik! : )

Hafist var handa.
Tannateymið komu sér fyrir í stellingarnar, töngin munduð og BRAAAAK.... SNÚÚÚ.... BRAAAK.... oooooog....

Eins og hendi var veifað... ,,KOMIÐ"! Sagði tannlæknirinn.

,,Þetta var fljótt afgreitt", hugsaði ég með mér og var afskaplega feginn að ,,operation toothrelease" væri lokið.

,,Alveg magnað", hugsaði ég! Hluti úr mér bara farinn, hvað er svona jaxl mikið hlutfall af sjálfum mér.... 1 prósent?
Er þá 98 prósent eftir af mér? (hef nefnilega áður upplifað: ,,operation toothrelease" á sænskri grundu...).

Þakkaði fyrir mig en spurði tannlæknirinn rétt áður en ég skaust út: Hvernig upplifun var það er þú tókst úr þína fyrstu kúnnatönn?

Hún svaraði með glotti: ,,það var gott"!

Ég hló!

já þetta er mögnuð tilvera.....

Væri þetta ekki áhugavert?

2005-10-27T15:05:00.000Z

Í Kanadískum ám....

...nokkuð magnað!

Þyrla + fluguveiði = hárin rísa á hnakkanum....

Væn eiginkona!

2005-10-27T10:49:00.000Z

Dag nokkurn kom húsbóndinn í seinna lagi heim.

Á borðinu fann hann miða með orðsendingu frá eiginkonunni:

,,Halló elskan!

Maturinn er tilbúinn í ofninum. Ofninn er skápurinn í eldhúsinu sem glerrúðan er á og eldhúsið er stóra herbergið bak við dyrnar inn í borðstofuna..."

Já má hann lifa...

2005-10-26T11:08:00.000Z

...syngur svíinn um!

Heil hundruð ár... og þegar hann hefur lifað í heil hundruð ár þá má ýta honum áfram í hjólbörum... hahaha
(þetta er laus þýðing úr afmælissöng svía...)

HANN TENGDAPABBI ERLING Á AFMÆLI OG VIL ÉG ÓSKA HONUM TIL HAMINGJU MEÐ DAGINN!!!

Það hefur verið sannkölluð blessun að fá að kynnast honum Erling og viti einhver um betri tengdaföður þá skal hann tala við mig...ég get sko sagt honum annað : )

Kvittað og vottað af
Karlott

Hugsun...

2005-10-21T14:16:00.000Z

Dagur byrjar, börnin fara
þotið er af stað, umferðin býður
Litlir kossar, stórir kossar
konan kveður, litla kveður en
sú stóra segir pass...

Pabbinn þeysist áfram á malbikinu,
hvítungurinn á 32 tommunum malar áfram
Krílin deila deginum á ólíkum stöðum,
önnur á leikskóla og hin hjá dagmömmu...
...en mamma, grúfir yfir skólabókum

Setið er liðlangan daginn í banka landsmanna,
ekki eru taldir peningar hér þó eflaust þar...
...en póstur flokkaður er og sendur áfram,
glaðningur eða ekki, bréfin eru opnuð og skoðuð og
stundum finnast þeir ekki sem bréfin eiga að fá...
...þá flækist mál.

Kallar og konur ganga um, sumir kunna á brosið en
aðrir hafa ekki uppgötvað leyndardóma gleðinnar.
Já, gleðin er ekki keypt né seld, hún fæðist ef
ef henni er getið...
...það þarf aðeins að hleypa henni að.

Svona er þetta stundum, kátt er í gleðibankanum.

10 í einkunn!

2005-10-16T20:57:00.000Z

Íris mín var í bókhaldsprófi um daginn... 103 nemendur spreyttu sig á því.... fjórir voru efstir með 10 og Íris var ein af þeim!!!

Flott hjá henni : )

Hún er víst ekki óvön tíunum... náði allmörgum á menntaskólaárunum...

Já, til hamingju Íris mín!

ps: það greinilega borgar sig að lesa vel og gaumgæfilega... og svo að hafa gaman af þessu öllu saman!

Njótið lífsins!

Pabba dagar...

2005-10-14T12:18:00.000Z

Síðustu daga hefur konan mín hún Íris lítið verið á heimilinu... próftörn er í gangi og það lá við að ég færi með svefnpoka og snyrtibudduna hennar niður í skólann þar sem hún heldur sig og færði henni.....

En, hún er dugleg að lesa, það er alveg klárt mál og ef Guð lofar, nær hún náminu þrepi fyrir þrep og endar sem lögfræðingur!

Ég hef sem sagt verið með skvísurnar mínar tvær extra mikið síðustu daga og höfum við skemmt okkur prýðilega! Sé samt að það er nokkuð fyrirtæki að fara með eina 3 ára og eina 10 mánaða hingað og þangað... hélt kannski þetta væri minna mál en...hm!
Þær eru samt svo skemmtilegar og þolinmóðar við pabba sinn að samveran hefur gengið hnökurlaust fyrir sig (að mestu...) og þegar uppi er staðið átta ég mig á einu afar mikilvægu...

...hvað það er dásamlegt að eiga börn!

Ég er þakklátur pabbi

Eigið góðan dag!

...gengur um eins og öskrandi ljón!

2005-10-11T22:27:00.000Z

Það er alveg hrikalegt að sitja og sjá þá hörmungar sem hafa gengið yfir fólkið í Pakistan og nágrenni: yfir 30000 manns dáið og talan stígur enn! Allt er á tjá og tundri, eyðileggingin ótrúleg og erfitt er fyrir hjálparsveitarmenn og ættingja að komast að svæðunum vegna erfiðrar aðkomu og skorts á tækjabúnaði til björgunar, þeirra sem í rústunum eru, dánir eða lifandi...

Í Darfúr í Afríku eru meira en 1,2 miljónir manna á flótta... fjórfalt íslendingar! Þjóðarmorð! Líf karla, kvenna og barna er svívirt, vanvirt og slátrað! Hundruð þúsundir manna hungrar (eflaust er talan margfalt sinnum hærri í raun...)...

Á Íslandi, fimm systur misnotaðar, vanvirtar, særðar, barðar... af föður sínum! Seldar fyrir drykkjupening, skemmdra manna í leit að fullnægingu!
Þetta gerðist fyrir mörgum árum, í dag standa þær saman, sterkar, horfa framávið, pabbinn dáinn, skrímslið dautt...

Aðeins brot af því sem gerist í okkar heimi í dag.

Ég sá fréttir um þessa atburði og hamfarir.
Ég táraðist: það voru einhverjir í Darfúr, menn sem hafa valið að gera illt, þeir hentu barni inn í kofa sem þeir höfðu kveikt í ásamt ættingja barnsins... þeir tóku barnið og hentu því inní brennandi kofann, inn í brennandi kofann...
Maður á ekki orð!

Þetta eru hrikalegar staðreyndir!

Hvers þarfnast heimurinn?

Hann kom inn í heiminn en heimurinn tók ekki á móti Honum.
Hann er sá sem dó fyrir syndir hvers manns, líka þeirra sem eru skrímslin og illu mennirnir í ofangreindum frásögnum...
Hann elskar sérhvert mannsbarn og vill að við iðrumst, snúum við frá hinu illa, að við tökum ekki þátt í því heldur svörum góðu með illu!

Hann er Jesús, Guð í holdi fæddur sem þráir að fá að vera í hjarta og lífi hvers manns...

... já heimurinn þarfnast svo sannarlega eitthvað gott!

Karlott

Áhugaverð síða...

2005-10-07T14:25:00.000Z

www.wayofthemaster.com

Karlott

Helgin sem leið...

2005-10-03T10:07:00.000Z

Rétt fyrir helgi var ég heima með kvef og við það missti ég röddina. Það er svona með þetta kvef eða flensur, þær koma án samþykktar og leyfis!
Í gríni segi ég að þetta sé samráð á milli þeirra sem eru í gena-veiruþróunarbransanum, lækna og lyfjaframleiðenda....
Veiran er búin til, send út í andrúmsloftið og mannfólkið veikist, stekkur til og kaupir heimsókn hjá lækni sem síðan skrifar út recept með feitri summu... Skiljið þið?!!

Nee, ætli það. En það er sérstakt þetta með hvernig inflúensan kemur eins og farandsfugl frá Evrópu eða Asíu, alltaf í kringum sama tíma á hverju ári... Og svo heyrir maður landlæknir vera að tilkynna að ,,hún" sé á leiðinni... Geta menn ekki bara sagt: hey, stopp! Nei, nei ekki lengra góða!

Þrátt fyrir kvef og sull, varð ég að komast í veiði þessa helgina... Svo hringdi tengdapabbi um morguninn og spurði hvort ég væri til... Og það kom ekki á óvart, en ég skellti mér með.
Útkomuna eftir veiðiferðina getið þið séð í Flugukassanum!

Svo kórónaðist verkið í gær þegar fiskurinnn var settur á grillið að hætti tengdapabba og smakkaðist allvel!

Út og yfir,
þangað og hingað!

Hið mikla klukkæði gengur yfir og....

2005-09-30T00:20:00.000Z

...ekki er mér hlíft!

Framtíðarforsetinn eða þingmaðurinn, mágkonan mín hún Hrund klukkaði mig hér um daginn...
Satt að segja, hélt ég það að verða klukkaður þýddi að bloggsíðan myndi krassa... þar til maður myndi klukka aðra og þá myndi síðan koma aftur... (ég veit, tölvur eru mitt líf og yndi...).

Málið var að ég fór inná síðuna hennar Kötu og sá að Kata hafði verið klukkuð af Hjerti... svo fannst mér eins og bloggið hennar Kötu væri horfið... Allavegana leit það þannig út, (í mínum huga) að þetta ,,klukk" hefði haft áhrif á síðuna... sem sagt: vera klukkaður, er það sama og vera krassaður)...
Svo ég hugsaði með mér: mig langar sko ekki til að vera klukkaður! Nýbúinn að setja upp nýja síðu með nýju útliti og eiga í hættu með að hún myndi skemmast eða meira að segja hverfa... nei sko, ekki ég!

Síðan þá er ég búinn að vera fylgjast með hinum og þessum ,,klukkunum" og mér til mikillar gleði þá var engin hætta á bloggkrassi, þetta var þá eftir allt saman afar saklaust!
Þannig þá, víst allt er í gúddí, læt ég þessa 5. punkta um mig flakka og vona síðan haldi...

1. Ég er algjör nammigrís og þá sérstaklega veikur fyrir súkkulaði... Skálin tæmist leiftursnöggt ef ég kemst í hana... (væri ég með aðra erfðaeiginleika er ég viss um að þessi veikleiki hefði komið mér í koll fyrir löngu síðan... en þannig er nú það, ég fitna ekki létt, frekar ef ég passa mig ekki á að borða þá horast ég bara..)..Þetta var nú hálfgerð tilgangslaus pæling ha...?

2. Einu sinni þegar ég var í kringum 9 ára ætlaði ég að fara að heiman! Með prik (kústskaft) og klút með mat og ýmsar nauðsynjar, bundin í annan endann... ætlaði ég að fara upp í fjall í Ísafirði og dvelja þar... tilgangslaust? Ekki akkúrat þá stundina...eeen, eftir á hyggja: Jamm!

3. Ég er yngstur í minni fjölskyldu, samt byrjaður að grána (1: gráa hárið kom fyrir 9 árum síðan...) og kollvikin teygja sig til himinn meir og meir... Miðað við eldri bróður minn, þá finnst manni dæmið ætti að vera öfugt, en hann er rétt kominn með nokkur grá og kollvikin... landfestarnar þar hafa ekki enn verið leystar! Tilgangslaus pæling... pottþétt! Guð gefur og Guð tekur, eins og ég er að venja mig á að segja og gráningin er vísir að þroska og visku! Hljómar vel ekki satt?

4. Ég á til með að tala um hlutina en ekki framkvæma, kannski væri betra að snúa þessu við...

5. Að átta sig á því að klukkan er orðin 6 mínútur í eitt að nóttu, maður í erfiðleikum að halda augunum opnum, haust vindurinn hvín og teygir og slær allt fyrir utan...og vera að reyna að hripa tilgangslausar staðreyndir um sig inn á netið, að æðið er ennþá í Bloggheimum og allir að verða brjálaðir og engin kemst undan, finnst mér vera doldið klikk.... Tilgangslaust?

Tja..... : )

Nýir tímar, nýtt útlit!

2005-09-27T10:09:00.000Z

Haustið er komið og ætli það sé ekki bara að vera búið... en vetur stendur við dyr og læðist að manni...

Þannig að nýir litir og nýtt útlit munu skreyta síðuna þar til við næstu breytinga...

Annars hefur haustið lagt vel í mig. Mér hefur alltaf líkað haustin, það er litirnir og svalinn sem hafa fersk áhrif á mig.

Ekki slæmt að fara út í náttúruna með heitt súkkulaði með rjóma og bakkelsi, beint úr bakaraofninum og vera í góðum félagsskap ástvina, Guðs og náttúrunnar.

Njótið þessu síðustu haustdaga vel.

Flugnaskúr Karlotts

2005-09-25T22:38:00.000Z

Þetta er eitt af afrekstrum mínum þessa dagana, fékk fluguhnýtingasett frá tengdó og mágkonum og maka og börnum í 30 ára afmælisgjöf. Alveg snilldar gjöf!
Mig langar til að setja svona öðruhvoru inn myndir af flugu dagsins... En, þetta er alveg magnað að geta dúllað við þetta, svo er bara að sjá hvort flugurnar plata einhvern fiskinn.... it will all come into light!

Þessi er kölluð: Sjö.
Vafin úr sjö peacockfjöðrum.
Vængir úr andarvæng á la tengdapabba.´
Undirefni úr rauðri ,,cock saddle hackles" fjöður.
Bossi úr sama en úr enda fjaðrinnar.

Algjör skaðræðis hönnun.... hehehe

Karlott með flugudellu : )

Konan mín...

2005-09-23T12:13:00.000Z

Mig langar til að heiðra konu mín í dag! (Og í raun alla daga...)

Hún hefur staðið með mér í gegnum súrt og sætt, yfir hæstu hæðir og dýpstu dali í fjögur hjónabandsár og brátt 5 ár frá því er við kysstumst fyrst í húsi Guðs.

Hún er tölvusnillinn á heimilinu.
Hún er fjárhagssjéníið í kotinu.
Hún er mamman sem allt getur.
Já, hún getur meira að segja byggt hús!

Hún er bökunarmeistarinn í eldhúsinu.
Hún er köggullinn sem keyrir með krafti.
Hún er sósusérfræðingurinn....
Já, líka er hún tilvonandi lögfræðingurinn!

Hún er mamma!
Hún er eiginkona!
Hún er minn besti vinur!
Já, hún verður dúndur amma!

Íris, allt mitt er þitt (allavegana allt það góða : )

Þú ert nr. 1

Þinn maður með fluguveikina.

Ævintýri fluguveiðinnar...

2005-09-18T20:29:00.000Z

Keypti mér mína fyrstu flugustöng í gær!

Hafði lengi haft áhuga á að fá mér ,,sett" svo opnaðist möguleiki hér um daginn og viti menn, ég stóðst ekki mátið og náði mér í fluguveiðisett frá Veiðihorninu!
Í morgunn var farið að prufa dótið... Fór upp að Hvaleyrarvatni, ekta æfingastaður, setti allt saman og prófaði.... Váá! Þetta var magnað! Ég var smá stund að átta mig á hvernig allt þetta virkaði en svo virtist ég ná einhverjum tökum á stönginni og köstunum og vollah, þetta gekk bara vel!
Það kom mér á óvart hve ,,létt" það var að nota flugustöng, kannski ég sé að gera algjöra vitleysu (eins og Íris orðaði það)... held samt þetta hafi gengið bara svakalega vel. Það var ekki mikið um 20 punda fiskana : ) en ég náði að stúta einni flugunni sem ég hafði gert, hún gjörsamlega gjöreyðilagðist! Hún stóðst ekki álagið!

Svo nú er bara að fá tækifæri einn daginn og fara í fluguveiði (ef Guð lofar) og ná þessum ,,stóra"!!

Aflakóngurinn Erling þarf að fara fá keppinaut!

Eigið góða viku,

Karlott

Hot spot.....

2005-08-29T21:19:00.000Z

Hún halar inn
eins og gráðug önd
í Reykjavíkur tjörn
fóðrið sitt.

Þeir sitja saman
við kjötkatlana
án samviskunnar
svíðandi eftirmála.

En börnin sín hún elur
á efnahyggjunnar keti
engin svangur né þyrstur
verður á gróða-meti.

Ætli manni og spússa
skilji klukknaverkið
opni augun og fússa
á svika-brögðin.

Gott er þó gefið
ef góðhugur í verki
að stundarinnar
verði vel notið.

Svo nú stend ég saddur
soðinn af kjötkatlakraumi
klæddur ég er dýrindis Lotti
í Kringlunnar ,,heita-spotti".

Eigið góðar stundir!

3 ÁRA STÓR-AFMÆLI : )

2005-08-20T10:47:00.000Z

Frumburðurinn okkar Írisar hún Petra Rut heldur uppá þriggja ára afmælið sitt í dag!

Hún fæddist kl. 03.17 þá dásamlegu aðfaranótt laugardags þann 24. ágúst 2002 og heilsaði pabba sínum með söng, síðan þá hefur hún sungið hástöfum og glatt foreldra sína og nánustu með nærveru sinni og grallaraskap.

Til hamingju með daginn STÓRA stelpan mín

Ég elska þig

pabbi

Sumarið komið!

2005-05-19T11:34:00.000Z

Rosalega er náttúran fljót að taka við sér. Allt sprettur upp og springur út, alveg dásamlegt!
Það rétt líður dagur og allt er orðið grænna. Get ekki hamið mig, nú langar mig í útilegu og flakk!
Hef því miður ekki margra ára reynslu í því, en ég held að ég sé bældur útivistaráhugamaður, alltaf á leiðinni en... á tveggja mánaða feðraorlof í sumar, svo ef Guð lofar, þá skal Íslands hagarnir kannaðir!
Fékk hinsvegar yndislegan smörþef af sköpun Guðs laugardaginn var. Við pabbi fórum stuttan (n.b. alltof stuttan... haha) veiði- og feðgaferð suður í Ölfusárós... veðrið var með ólíkindum: volg hafsgola, skýlaus og fagurblár himinn, fjall- og hafssýnin umlykjandi okkur, brimið við ósinn, sandurinn og ... já, maður upplifði sig vera einhversstaðar, á suðrænni slóðum, takk Drottinn!
Það var enginn æsingur i sjóbirtingnum en þarna voru aðrir feðgar, frá Litháen, pabbinn náði tveimur vænum: 2- og 3 punda. Ég fékk að glugga í bakpoka pabbans og mér kitlaði í puttana! Þarna voru þeir, 2 pattaralegir og fínir sjóbirtingar.... Því þegar þarna var komið við sögu var tíminn við bakkann á þrotum og pabbi að kalla til brottfarar, við þurftum að enda þessari ljúfu ferð í bili....

En, það er fátt sem slær út að heyra og sjá hafið og brimið og njóta!

Svona nú!

2005-05-15T20:28:00.000Z

Ég hlýt að finna blogggírinn hérna einhversstaðar.....

....þar til.....

Njótið vel þennan náðardag!

Mánuður liðinn...

2005-04-24T23:07:00.000Z

Já, tíminn líður!
Núna er mánuður síðan ég skrifaði síðast hérna inná, margt hefur gerst á einum mánuði...

Ég ætla mér nú ekki að fara telja upp allt sem mánuðurinn hefur haft í för með sér en sumt sem gerðist var gott en annað slæmt. Það er nú bara þannig: gott gerist og vont gerist. Spurningin er: hvernig maður bregst við því sem kemur...
Ég bið að ég megi læra að sjá lífið í réttum litum, ekki bara svart og hvítt, heldur einnig allt litrófið, að augu mín greini allan fjölbreytileika litanna í tilverunni! Núna er ég auðvitað ekki að meina bókstaflega liti, eins og maður kaupir í málningarbúðinni... hm... nei heldur þessa ,,liti" sem tilvera hvers og eins er máluð. Oft er nefnilega tilvera manns mun litríkari en maður áttar sig á og kannski dvelur maður í svarthvítaskapinu alla daga, það er ferlega dapurlegt!!
Því, ekki þarf annað að gera en að staldra við á þeim stað sem maður er á og leyfa augunum, hjartanu og huganum að greina litina í kringum mann, greina það fagra, góða og dýrmæta sem Guð hefur gefið manni... að átta sig á þessu, það er frelsun! Frelsun sál manns!

Mmmm, já það bið ég: Guð, taktu og að engu gerðu þá fjötra sem halda mér frá því að njóta þess frelsis sem þú hefur þegar gefið mér í syni þínum Jesú Kristi!!!

Því Hann gaf okkur frelsi,
frelsi frá dauðlegum degi.
Degi af ótta yfir í gleði,
gleði úr ótæmandi lind.

Lind sem alla fyllir,
fyllir hjartans tóm.
Tóm í huga manns,
manns er líf leitar.

Leitar hið góða,
góða úr deginum.
Deginum er Hann kom,
til endurlaustnar vor.

Gleðilegt sumar vinir og
takk fyrir góðar og gefandi
vetrarstundir!

Karlott

Að vera kristinn...

2005-03-24T23:56:00.000Z

...hvað þýðir það?

Lumar þú á ,,réttu" svari?

Takk fyrir!!!

2005-03-06T18:11:00.000Z

Ég vil senda ykkur sem komu í barnablessun yngstu minnar í gær stórt þakklæti og kveðju, án dásamlegra og hjálpsamra ættingja og vina getur stór veisla orðið lítil og snauð í sniðum. Takk, takk fyrir okkur.

Komið var saman
til barnablessunar
henni Katrínu Töru
fannst það gaman.

Mettaður var mallinn
af djúsí kræsingum
nokkuð víst er að,
margur tútnaði gallinn.

Það var talað og malað
börnin léku sér saman
kotið yfirfullt af fólki
í réttina var vel smalað.

Svo tók kotið að tæmast
einn af öðrum þau gengu
allir glöddust og sungu
lifið heil vinir, þar til næst.

Drottinn Jesú Kristur blessi og varðveiti ykkur alla ævidaga ykkar!

Karlott og frú Íris
Petra Rut stóra syst
Katrín Tara lilla tíst
en ég, ég kom fyrst... hohoho

Kveðja, Karlott

Það er kviknað í....

2005-03-04T11:36:00.000Z

...mig langar nú bara að taka þátt í þessum ,,eldi" sem hefur verið kveiktur hér í Bloggheimi! Hollustubálið! Það er nú þannig að ég hef reynt... frá áramótunum að minnka við mig kaffidrykkjuna um nokkuð. Fékk mér hér áður í kringum 4-6 kaffibolla á dag (sem er galið...skjálfandi eftir hádegið, hjartað í hlaupastuði og hvað eina!), svo ég ákvað að reyna fá mér bara 1 kaffibolla fyrir hádegi og svo 1 eftir. Jamm, það hefur næstum því lukkast : ( En, bara við það að minnka bollafjöldann, minnkuðu einnig eftirköstin svo kölluðu og mér leið bara betur! : )
En, hollustupunkturinn í þessu var að ég byrjaði að fá mér te í stað kaffis á morgnana! Svona Celestial Seasonings Honey Lemon Ginseng te, alveg frábært! GOTT Í MALLANN : )

Mæli með þessu!

Heil og sæl að sinna

Mamma

2005-02-23T12:19:00.000Z

Oft ég heyrði, raddblæ þinn.
Oft ég fann fyrir stroku, hendi
þinni frá.
Hve söngur þinn ljúfur var.
Hversu gott var að sofna
inni í þér.

Við ferðuðumst mikið, þú og ég.
Þú sýnileg, ég falinn.
Allir dáðust af bumbunni þinni,
mínum fyrstu heimkynnum.

Svo fæddist ég og faðminn mjúkan fékk.
Ylvolgan drykk úr brjóstum þér.
Aldrei ég einmana var, né hræddur.
Lífið sjálft varstu mér.

mtumishi

2005-02-17T16:49:00.000Z

mtumishi

Þýðir þjónn á Swahílí tungu.

Öllum er gott að geta þjónað. Er alltaf að læra það meir og meir. Mig langar að geta þjónað þeim sem ég ann og á. Er að ná því, smám saman...

Jesús sagði:

En eigi sé svo meðal yðar, heldur sé sá, sem mikill vill verða meðal yðar, þjónn yðar.

Drottinn blessi þig!

Fósturhjörð!

2005-02-17T10:32:00.000Z

Aldrei þau fá að sjá,
dagsbirtu og ljóma.
Aldrei að upplifa,
æskunnar blóma.

Úr kvið móður,
líf er svívirt!
Mamma, hví?
Elskarðu mig ei?

Mér líður svo vel,
innra með þér.
Ég þrái það áfram,
góð, vertu mér.

Aldrei þau fá sýnt,
hversu blítt er brosið.
Aldrei þau munu fá,
að hafa það kosið.

Þú ert agnarsmár,
en fullskapaður þó.
Litlir fætur, gapandi sár,
tættur, eftir kalda kló!

....

Með virðingu og ást á þjóðernishyggju er talað um okkar yndislegu fósturjörð sem lífið okkur gaf, sú sama tekur á hverju ári líf 1000 ófæddra barna!!!

Hvenær verður þessari fósturhjörð borið sú virðing og ást sem henni sæmir!?

Ég bara spyr....

Karlott

Breyting til hins betra...?

2005-02-10T22:26:00.000Z

Í ham og stuði,
hún hreinsar fljótt.
Úr vinnusömu suði,
leirtau og diska skjótt.

Kvenmannshendur,
kvörtuðu ei.
Þvottabretti við lendur,
alíslensk mey.

Nú annar tíminn er,
vélrænir armar geysa.
Sagan um sveitina fer,
uss, endemis vitleysa.

Brosið er blítt og tært,
kona nútímans kætist.
Allt er vélinni fært,
erfið tilveran bætist.

Já, gaman að þessu...

... uppþvottavélin er hrein snilld!!!

Hvað ómar í hjarta þínu?

2005-02-08T23:01:00.000Z

Faðir vor, þú sem ert á himnum.
Helgist þitt nafn,
til komi þitt ríki,
verði þinn vilji, svo á jörðu sem á
himni.
Gef oss í dag vort daglegt brauð.
Fyrirgef oss vorar skuldir,
svo sem vér og fyrirgefum vorum
skuldunautum.
Og eigi leið þú oss í freistni, heldur
frelsa oss frá illu.
Því að þitt er ríkið, mátturinn og
dýrðin að eilífu, amen.
matteus 6, 9.

Drottinn minn, Jesús Kristur gaf mér þessa bæn.

Já, hann gaf þér hana líka!

Leyfðu henni að óma, óma, óma!

Karlott

Þakklæti.

2005-02-08T10:52:00.000Z

Hef oft velt því fyrir mér, afhverju ég fæ að lifa enn einn dag. Þegar fjölmiðlar daglega segja sögur frá andláti fólks, bæði á heimaslóðum og út í hinum stóra heimi, allstaðar í kringum mann er fólk sem kveður þennan heim og oft snögglega. Þá hugsa ég: hvílík sú gjöf er, að fá að vakna upp úr góðum svefni í hlýju rúmi á öruggum stað enn einn dag og fá að lifa!
En er það sjálfsagt?
Og hver gæti tilgangurinn verið að ég sé enn lifandi...?

Þá er mér hugsað til einnar sögu úr frábærri bók: Máttarorð, eftir Erling Ruud (sem ég gef mér leyfi til að vitna í frjálst).
Þessi saga fjallaði um kennara sem var að spyrja nemendur sína hvað þeim langaði til að verða þegar þeir yrðu stórir? Einn drengur sagði að honum langaði til að verða sjómaður og annar sagði að honum langaði til að verða hermaður og sá þriðji ætlaði að verða skipstjóri.
En, svo var lítill drengur sem svaraði eftir að kennarinn hafði beint augum að honum: ,,mér langar til að verða til blessunar"!

Draumasvarið?

Já, fyrir mig!

Að lokum vil ég þakka ykkur fyrir sem sýnið síðunni áhuga : )

Það birtir til

2005-02-05T23:29:00.000Z

Af stað, af stað
á bloggara vað
Að Karlott kvað
engum óróaði það

Svo, hér kem ég!